నేను నీకును నీ నదికిని విరోధినైతిని , ఐగుప్తు దేశమును మిగ్దోలు మొదలుకొని సెవేనేవరకు కూషు సరిహద్దు వరకు బొత్తిగా పాడుచేసి యెడారిగా ఉంచెదను.

నిర్మానుష్యముగానున్న దేశముల మధ్యను ఐగుప్తు దేశమును పాడగునట్టుగా చేసెదను , పాడై పోయిన పట్టణముల మధ్యను దాని పట్టణములు నలువది సంవత్సరములు పాడై యుండును , ఐగుప్తీయులను జనముల లోనికి చెదరగొట్టుదును , ఆ యా దేశములకు వారిని వెళ్లగొట్టుదును .

పాడైపోయిన దేశముల మధ్య ఐగుప్తీయులు దిక్కులేనివారుగా నుందురు, నలుదిక్కుల పాడైపోయిన పట్టణములమధ్య వారి పట్టణము లుండును.

యెహోవా ఈలాగు సెలవిచ్చుచున్నాడు విగ్రహములను నిర్మూలముచేసి , నొపులో ఒక బొమ్మలేకుండ చేసెదను , ఇక ఐగుప్తు దేశములో అధిపతిగా ఉండుట కెవడును లేకపోవును , ఐగుప్తు దేశములో భయము పుట్టించెదను .

ఐగుప్తునకు కోటగా నున్న సీను మీద నా క్రోధము కుమ్మరించెదను , నోలోని జనసమూహమును నిర్మూలము చేసెదను

ఓనువారిలోను పిబేసెతు వారిలోను యౌవనులు ఖడ్గము చేత కూలుదురు . ఆ పట్టణస్థులు చెరలోనికి పోవుదురు .

ఇశ్రాయేలు దేవుడును సైన్యముల కధిపతియునగు యెహోవా సెలవిచ్చునదేమనగా ఇదిగో నా దాసుడగు బబులోను రాజైన నెబుకద్రెజరును నేను పిలువనంపించి తీసికొనివచ్చి, నేను పాతిపెట్టిన యీ రాళ్లమీద అతని సింహాసనము ఉంచెదను, అతడు రత్నకంబళిని వాటిమీదనే వేయించును.

ఐగుప్తు దేవతల గుళ్లలో నేను అగ్ని రాజబెట్టుచున్నాను, వాటిని నెబుకద్రెజరు కాల్చి వేయును, ఆ దేవతలను చెరగొనిపోవును, గొఱ్ఱలకాపరి తన వస్త్రమును చుట్టుకొనునట్లు అతడు ఐగుప్తుదేశమును తనకు చుట్టుకొని నిరాటంకముగా అక్కడనుండి సాగిపోవును.

ఐగుప్తు రాజైన ఫరో , నైలునది లో పండుకొనియున్న పెద్ద మొసలీ , నేను నీకు విరోధిని ; నైలునది నాది, నేనే దాని కలుగ జేసితిని అని నీవు చెప్పుకొనుచున్నావే ;

నాశనమునకు ముందు గర్వము నడచును. పడిపోవుటకు ముందు అహంకారమైన మనస్సు నడచును

ఆపత్తు రాకమునుపు నరుని హృదయము అతిశయపడును ఘనతకు ముందు వినయముండును.

ఎవని గర్వము వానిని తగ్గించును వినయమనస్కుడు ఘనతనొందును